Ўзбекистон кубоги 2-тури доирасидаги «Динамо» - «Насаф» (3:3) учрашуви 21 апрел куни соат 16:30дан бошлаб Ўзбекистон миллий телерадио компаниясининг «Foreign Languages» телеканали орқали жонли эфирда намойиш этилиши эълон қилинганди.

"Кўпчилик трансляция бўлишидан хабар топгач, Жиззахдаги ўйинга келмай, ТВ орқали томоша қилишни режалаштирган. Шу боис ўйин давомида турли тармоқлар, қўнғироқларда трансляция масаласида жуда кўп мурожаат бўлди.

Жиззахдаги ўйин телеканалнинг техник ва ижодий ходимлари томонидан трансляция қилинган бўлса-да, Узтелекомдаги муаммолар сабабли ўйинни ТВ орқали жонли эфирга узатиш имконияти бўлмаган.

«Динамо» - «Насаф» ўйини бугун, соат 11:40да намойиш этилиши «Спорт» ТВ дастурида эълон қилинган бўлса-да, учрашув соат 13:10дан бошлаб ёзиб олинган ҳолда намойиш этиладиган бўлибди", - дейилади самарқандликлар хабарида.