O‘zbekiston kubogi 2-turi doirasidagi «Dinamo» - «Nasaf» (3:3) uchrashuvi 21 aprel kuni soat 16:30dan boshlab O‘zbekiston milliy teleradio kompaniyasining «Foreign Languages» telekanali orqali jonli efirda namoyish etilishi e’lon qilingandi.
"Ko‘pchilik translyasiya bo‘lishidan xabar topgach, Jizzaxdagi o‘yinga kelmay, TV orqali tomosha qilishni rejalashtirgan. Shu bois o‘yin davomida turli tarmoqlar, qo‘ng‘iroqlarda translyasiya masalasida juda ko‘p murojaat bo‘ldi.
Jizzaxdagi o‘yin telekanalning texnik va ijodiy xodimlari tomonidan translyasiya qilingan bo‘lsa-da, Uztelekomdagi muammolar sababli o‘yinni TV orqali jonli efirga uzatish imkoniyati bo‘lmagan.
«Dinamo» - «Nasaf» o‘yini bugun, soat 11:40da namoyish etilishi «Sport» TV dasturida e’lon qilingan bo‘lsa-da, uchrashuv soat 13:10dan boshlab yozib olingan holda namoyish etiladigan bo‘libdi", - deyiladi samarqandliklar xabarida.