"Челси" бош мураббийи Маурисио Почеттино ҳимоячи Тиаго Силванинг келажаги ҳақида фикр билдирди. Аввалроқ, 39 ёшли бразилиялик мавсум якунида жамоани тарк этиши ҳақида хабарлар тарқалган эди.
“У ҳозир гаплашиш вақти эмаслигини айтди. У бирор нарса ҳақида хабар бермоқчи бўлса, буни қилади ва клуб албатта вазият ҳақида гапиради. Биз ҳали гаплашмадик. АПЛ жадвалида иложи борича юқори ўринларни эгаллашга ҳаракат қиляпмиз”, деди Почеттино душанба кунги матбуот анжуманида.
“Челси” навбатдаги ўйинини 23 апрель, сешанба куни АПЛ доирасида “Арсенал”га қарши ўтказади.
