"Ливерпуль" ҳимоячиси Трент Александр-Арнольд "Фулхэм" устидан қозонилган ғалабадан сўнг жарима зарбасидан урган голи ҳақида гапирди.
Эслатиб ўтамиз, учрашув Юрген Клопп шогирдларининг 3:1 ҳисобидаги ғалабаси билан якунланган эди. Учрашувдаги ҳисобни Александр-Арнольд очди ва у ўйиннинг 32-дақиқасида жарима зарбасидан дарвозани аниқ нишонга олди.
"Кўрганимдек, вазият жуда зўр эди. Йигитлар менга бу жуда яхши бажарилганини айтишди! Яна гол уриш ажойиб бўлди.
Мен учун икки ой оғир бўлди – ўйнай олмадим ёки ўзим ёқтирган иш билан шуғуллана олмадим. Мен қайтганимдан хурсандман - бу ажойиб туйғу, мен футбол ўйнашни ёқтираман", - дея футболчининг сўзларини келтиради Sky Sports.
