"Liverpul" himoyachisi Trent Aleksandr-Arnold "Fulxem" ustidan qozonilgan g‘alabadan so‘ng jarima zarbasidan urgan goli haqida gapirdi.

Eslatib o‘tamiz, uchrashuv Yurgen Klopp shogirdlarining 3:1 hisobidagi g‘alabasi bilan yakunlangan edi. Uchrashuvdagi hisobni Aleksandr-Arnold ochdi va u o‘yinning 32-daqiqasida jarima zarbasidan darvozani aniq nishonga oldi.

"Ko‘rganimdek, vaziyat juda zo‘r edi. Yigitlar menga bu juda yaxshi bajarilganini aytishdi! Yana gol urish ajoyib bo‘ldi.

Men uchun ikki oy og‘ir bo‘ldi – o‘ynay olmadim yoki o‘zim yoqtirgan ish bilan shug‘ullana olmadim. Men qaytganimdan xursandman - bu ajoyib tuyg‘u, men futbol o‘ynashni yoqtiraman", - deya futbolchining so‘zlarini keltiradi Sky Sports.