"Манчестер Юнайтед" бош мураббийи Эрик тен Хаг мавсумни муваффақиятли якунлаш учун жамоага Англия кубогини ютиш керакми, деган саволга жавоб берди.

"Мен Англия кубогини ютишни хоҳлайман. Ишончим комилки, бизда бу финалда ғалаба қозониш учун яхши имконият бор, гарчи биз дунёнинг энг яхши жамоасига қарши ўйнасак-да.

Бироқ, бизда имконият бор. Буни жорий мавсумда кўрсатдик. Бизда кўп юксалишлар бўлди, лекин кўп пасайишлар ҳам бор эди. Англия кубогида ғалаба қозониш мавсумни муваффақиятли ўтказишга асос бўлмайди – биз кўпроқ ғалаба қозонишни истаймиз.

Икки йил ичида биз уч марта финалга чиқдик, бу яхши, лекин бу мавсумда кўп омадсизликлар, жароҳатлар кўп бўлди.

Умид қиламизки, футболчилар финалгача яна характер кўрсатишади. Агар биз ўзига ишонадиган таркибни майдонга туширсак, кубокни ютиш имкониятимиз бор", деди Тен Хаг.