Лиссабоннинг "Спортинг" клуби бош мураббийи Рубен Аморим ҳозир, душанба оқшомида шахсий самолётда Португалиядан Лондонга учмоқда. Бу ҳақда журналист Педро Сепульведа ижтимоий тармоқларда хабар берди.
Эълон қилинган маълумотларга кўра, бортида Аморим бўлган самолёт маҳаллий вақт билан 17:58да (Тошкент вақти билан 21:58) Англияга қўнади. Манбага кўра, Аморим Англияда "Ливерпуль" ва "Вест Хэм" билан музокаралар ўтказишни режалаштирмоқда.
Рубен Аморим бошқарувидаги "Спортинг" Португалия чемпионатида ишончли пешқадам эканлигини қўшимча қилиб ўтамиз.
