"Милан" ва Украина терма жамоасининг собиқ футболчиси Андрей Шевченко "россонерилар" бош мураббийи Стефано Пиоли фаолияти ҳақида ўз фикрлари билан ўртоқлашди.
“Стефано “Милан”га катта муваффақият келтирган мураббий, у тарих ёзган. Бу мавсумда жамоа рақобатбардош бўлди, аммо "Интер" ажойиб мавсум ўтказди", - деди Шевченко.
Сўнгги ўйинда "Милан" "Интер" билан тўқнаш келди. Пиоли шогирдлари 1:2 ҳисобида мағлуб бўлишди. Бу муваффақият “нерадзурри”га муддатидан аввал Италия чемпионатида ғалаба қозониш имконини берди. 33-турдан кейин “Милан” 69 очко билан турнир жадвалида иккинчи ўринда бормоқда.
