"Milan" va Ukraina terma jamoasining sobiq futbolchisi Andrey Shevchenko "rossonerilar" bosh murabbiyi Stefano Pioli faoliyati haqida o‘z fikrlari bilan o‘rtoqlashdi.

“Stefano “Milan”ga katta muvaffaqiyat keltirgan murabbiy, u tarix yozgan. Bu mavsumda jamoa raqobatbardosh bo‘ldi, ammo "Inter" ajoyib mavsum o‘tkazdi", - dedi Shevchenko.

So‘nggi o‘yinda "Milan" "Inter" bilan to‘qnash keldi. Pioli shogirdlari 1:2 hisobida mag‘lub bo‘lishdi. Bu muvaffaqiyat “neradzurri”ga muddatidan avval Italiya chempionatida g‘alaba qozonish imkonini berdi. 33-turdan keyin “Milan” 69 ochko bilan turnir jadvalida ikkinchi o‘rinda bormoqda.