Мадриднинг “Реал” клуби ва Украина терма жамоаси дарвозабони Андрей Лунин “қироллик” клубини тарк этиш ҳақида ўйламоқда. 25 ёшли дарвозабон белгиялик Тибо Куртуа соясида қолишни истамаяпти, у тез орада сафга қайтади.
Лунин "Манчестер Юнайтед" унга қизиқиш билдираётган Премьер-лигага ўтиш вариантини кўриб чиқмоқда. Манкунианликлар футболчига Мадриддагидан кўра фойдалироқ шартнома таклиф қилишга тайёр. Андрейнинг "Лос-Бланкос" билан амалдаги меҳнат шартномаси 2025 йилнинг ёзида тугайди.
Унинг бозор қиймати 16 миллион еврони ташкил қилади. Испания чемпионатининг жорий мавсумида Лунин 20 та ўйин ўтказиб, 13 та гол ўтказиб юборган.
