Лондоннинг "Челси" клуби собиқ марказий ҳимоячиси Антонио Рюдигер жамоа тез орада юқори савияга қайтишига умид билдирди. Айни дамда “кўклар” Англия Премьер-лигаси турнир жадвалида 9-ўринни эгаллаб турибди.
“Бу қийин мавсум, чунки клубга янги футболчилар ва янги мураббий келди. Умид қиламанки, "Челси" Почеттинога вақт беради ва футболчилар Маурисиони қўллаб-қувватлайди. "Челси" совринлар ҳақида, шунинг учун жамоа ҳеч нарса ютмаганини кўриш мен учун қийин. Келажакда "Челси"ни яна юқори савияда рақобатлашини кўришни интиқлик билан кутаман", - дея Рюдигер сўзларини келтирган журналист Саймон Филлипс.
Эслатиб ўтамиз, Антонио 2022 йилнинг ёзида “Челси”ни тарк этиб, “Реал”га эркин агент сифатида ўтган эди.
