Эронда футболчи мухлис билан қучоқлашгани учун битта ўйинга дисквалификация қилинди.
RMC Sport хабарига кўра, воқеа 12 апрель куни “Истиқлол” ва “Алумин Арак” жамоалари ўртасидаги ўйин вақтида содир бўлган.
Мухлиснинг майдонга югуриб чиққани сабабли ўйин тўхтатилди - қизни стадион қўриқлаш ходимлари қўлга олгандан сўнг, “Истиқлол” ва Эрон терма жамоаси дарвозабони Ҳусайн Ҳусайний уни қисқа вақт давомида қучоқлаб олди.
Эътиборлиси, Эрон қонунлари эркакларнинг ўз оила аъзоси бўлмаган аёлларга тегишини тақиқлайди.
Ушбу эпизод учун Ҳусайний чемпионатнинг бир ўйинига дисквалификация қилинди ва 4400 евро жаримага тортилди.
Бундан ташқари, Эрон футбол федерацияси футболчини стадион хавфсизлик ходимларига нисбатан "ноўрин хатти-ҳаракатлари" учун қоралади.
