"Манчестер Юнайтед" бош мураббийи Эрик тен Хаг жамоага юқори савияли ҳужумчи келишини хоҳлайсизми, деган саволга жавоб берди.
"Менимча, бу ёрдам беради. Бизга кўпроқ имкониятлар керак, ҳар бир позицияда иккитадан футболчи бўлиши керак. Жорий мавсумда бизда баъзи позицияларда – ҳужумчи, чап қанот ҳимоячиси сифатида – бошқа танловимиз йўқ эди ва бу натижаларга салбий таъсир қилди" - деди Тен Хаг журналистларга.
"Манчестер Юнайтед"нинг Англия Премьер-лигаси доирасидаги навбатдаги ўйини 24-апрель, чоршанба куни "Шеффилд Юнайтед"га қарши бўлади. Айни пайтда "қизил иблислар" турнир жадвалида 7-ўринда бормоқда.
