"Ювентус" бош мураббийи Массимилиано Аллегри Италия кубогининг ярим финали жавоб ўйинида "Лацио"га қарши баҳсдан сўнг (1:2) ўз фикрлари билан ўртоқлашди.
“Бугунги ўйин қийин бўлиши аниқ эди, олдиндан шундай бўлишини билардик, айниқса бошида гол ўтказиб юборганимиздан кейин вазият жиддийлашди. Аммо кейин жисмоний жиҳатдан яхшиландик ва иккинчи бўлимни яхши ўтказдик.
Финалга чиқиш ҳеч қачон осон эмас. Энди биз А Серияга эътибор қаратишимиз керак, чунки Чемпионлар лигаси йўлланмаси ҳали қўлга киритилмаган, шу дам олиш кунлари эса "Милан" билан учрашувимиз бор", - деди Аллегри Sport Mediaset нашрига берган интервьюсида.
