"Манчестер Юнайтед" марказий ҳимоячиси Харри Магуайр "қизил иблислар"га қарши кўплаб пенальтилар белгиланиши ҳақида гапирди.
"Сўнгги ойларда бизга қарши бир нечта баҳсли пенальтилар белгиланди. Агар ҳакам уларни ҳакам бермаса, ВАР аралашган. Мен бир-икки нарса ҳақида гапирмаяпман, бундай вазиятлар беш-олтита. Бу ёқимсиз бўлди ва биз жуда кўп очко йўқотдик", - дея ҳимоячининг сўзларини келтиради Sky Sports.
Эрик тен Хаг шогирдлари Англия Премьер-лигасининг жорий мавсумида омадсизликка учрамоқда. Ўтказилган 32 ўйиндан сўнг манкунианликлар 50 очко жамғариб, турнир жадвалининг 7-поғонасида бормоқда.