Оливье Жиру фаолиятини МЛСда давом эттиради.
37 ёшли ҳужумчи "Лос-Анжелес" билан шартнома имзолади, деб хабар беради L'Equipe. Шартнома 2025 йилнинг декабригача амал қилади ва яна бир йилга узайтирилиши мумкин.
Франциялик футболчининг маоши солиқларсиз йилига 3 миллион еврони ташкил қилади.
Жирунинг Франция терма жамоасидаги собиқ шериги Уго Льорис "Лос-Анжелес"да ўйнайди. МЛСнинг жорий мавсумида клуб 9 ўйин ўтказиб, 12 очко тўплади. Ғарбий конференция турнир жадвалида 7-ўринни эгаллаб турибди.
А Сериянинг 2023/24 йилги мавсумида Жиру 30 ўйин ўтказиб, 13 гол ва 8 голга ассистентлик қилган.
