"Барселона" "Валенсия"нинг 25 ёшли ярим ҳимоячиси Пепелуга қизиқиш билдирмоқда.
Marca нашри хабарига кўра, Хави декабрь ойи ўрталарида жамоалар Ла Лигада учрашгандан сўнг ярим ҳимоячи билан алоҳида гаплашган. Хусусан, каталониялик мураббий "футболчини ажойиб мавсум билан табриклаган".
Таъкидланишича, Пепелу мавсум давомида "Барселона" мураббийлар штаби эътиборини тортди ва клуб унинг ўйин сифатини ижобий баҳолайди. Футболчи кейинги мавсумда клуб уни кучайтирмоқчи бўлган таянч ярим ҳимоячи позициясида ўйнайди.
Жорий мавсумда испаниялик футболчи Ла Лигада 32 та ўйинда майдонга тушиб, 5 та гол ва битта голли узатмага муаллифлик қилган.
