Нидерландиялик мутахассис Арне Слот "Ливерпуль" раҳбарияти билан ҳамкорликни бошлаш борасида музокаралар олиб бормоқда.
Инсайдер Педро Альмейданинг ижтимоий тармоқлар орқали хабар беришича, томонлар келишувга яқин турибди. Журналистнинг сўзларига кўра, "Ливерпуль" ва Слот ўртасида 2028 йилнинг ўрталарига қадар давом этадиган узоқ муддатли меҳнат шартномаси имзоланади. Эслатиб ўтамиз, мерсисайдликлар мураббийнинг муддатидан олдин кетгани учун “Фееноорд”га 12 миллион евро товон пули тўлаши керак бўлади.
Эслатиб ўтамиз, “Ливерпуль”нинг амалдаги бош мураббийи Юрген Клопп мавсум якунида жамоани тарк этади. “Қизиллар” айни дамда АПЛ турнир жадвалида иккинчи ўринда бормоқда.
