“Альмерия” футболчиси Ларжи Рамазони ҳакамни ҳақорат қилгани учун жиддий жазо олди. "Виляьрреал" билан ўйин охирида, баҳсли дақиқаларда футболчи ҳакамни куракда турмас сўзлар билан ҳақорат қилган.
Бунинг учун этика қўмитаси футболчини бешта ўйинга дисквалификация ва 2,4 минг евро миқдорида жаримага тортди, деб хабар беради Marca.
Шу тариқа, Рамазони 2023/2024 йилги мавсум якунини деярли тўлиқ ўтказиб юборади. Шу билан бирга, у кам жазони олди, чунки ҳакамни бундай ҳақорат қилгани учун регламентга кўра, футболчи 12 та ўйинга дисквалификация қилиниши мумкин.
