Ўтган кузда жиддий жароҳат олган Неймарнинг реабилитацияси режа бўйича кетмоқда - Бразилияда эса унинг ёзда Америка кубогида терма жамоага ёрдам бера олишига ишонч кучайиб бормоқда. Унинг физиотерапевти Самер ал-Шаҳрани ёзишича, Неймарнинг реабилитацияси ҳозирда "энг муҳим босқичга кирди".
У билан саудиялик терапевт ишлаётгани ажабланарли эмас - яқинда Неймар жамоаси ихтиёрига қайтди ва ҳозирда "Ал-Ҳилол" клуби реклама роликларида суратга тушмоқда.
Эслатиб ўтамиз, Неймар ўз клуби сафида бор-йўғи бешта ўйинда майдонга туша олди, шундан сўнг у ФИФА кунларида тиззаси жиддий шикастланди.