"Барселона" ёзги трансфер ойнасида жамоасида катта ўзгаришларга тайёрланмоқда.
Миш-мишларга ишонадиган бўлсак, Каталония клуби президенти Жоан Лапорта бош мураббий Хави Эрнандесга таркибни сезиларли даражада кучайтиришга ваъда берди. Кўриниб турибдики, юқори даражадаги сотувларсиз буни амалга ошириб бўлмайди: Diario AS хабарига кўра, "Барселона"дан кетиш учун асосий номзод - ҳозирги таркибдаги энг қиммат ва юқори маош олувчи футболчилардан бири Френки де Йонг бўлиб турибди.
Transfermarkt портали маълумотларига кўра, 26 ёшли ярим ҳимоячининг нархи 70 миллион еврони ташкил қилади. Нидерландиялик футболчига "Бавария" ва "Манчестер Юнайтед" клублари қизиқиш билдирмоқда.
