"Манчестер Сити" ярим ҳимоячиси Кевин Де Брюйне фикрича, Фил Фоден бир кун келиб ярим ҳимоядаги ўрнини мустаҳкамлайди.
23 ёшли инглиз кўпинча қанот ҳужумида, Де Брюйненинг ўзи эса ярим ҳимоянинг марказида ўйнайди. Бельгиялик футболчининг фикрича, Фоденда унинг ўрнини эгаллаш учун зарур фазилатлар мавжуд.
“Эртами кечми у марказ футболчисига айланади. Мен уни бошидан кўрганман, лекин Пеп (Гвардиола) жамоасида бу вақт талаб этади. Ҳозир Фил марказ позициясига борган сари мослашиб бормоқда. У бизга чемпионликни қўлга киритишда ёрдам беради, у етти йилдан бери шу ишни қилмоқда”, деди Де Брюйне.
