ЖЧ-2014 4-саралаш босқичи 7-туридан ўрин олган Ўзбекистон ҳамда Ливан миллий терма жамоалари ўртасидаги учрашув чипталари 22 март куни яна сотувга чиқарилади.
Мазкур ўйин чипталари 18 март куни Тошкентдаги «Бунёдкор» стадиони кассалари орқали сотувга чиқарилган ва ЎФФ Терма жамоалар маркази директори Асқар Толибжонов, 18 март куни савдо чиқарилган чипталарнинг 6000 донаси сотилгани ҳақида аввалроқ маълумот берган эди. Мамлакатимиз бўйлаб Наврўз байрами нишонланиши муносабати билан Ўзбекистон – Ливан учрашуви чипталари сотуви вақтинчалик тўхтатилган эди. ЎФФ терма жамоалар марказининг ЎФФ матбуот хизматига берган маълумотига кўра, чипталар 22 март кунидан бошлаб қайта сотувга чиқарилади. Ушбу ўйин чипталарини «Бунёдкор» стадиони кассаларидан соат 11:00 дан 13:00 гача бўлган вақт оралиғида ҳарид қилиш мумкин бўлади.
Қуйидаги манба орқали Ўзбекистон - Ливан учрашуви бўлиб ўтадиган «Бунёдкор» стадиони ҳақида тўлиқ ва батафсил маълумотга эга бўлиш мумкин бўлади.
