"Валенсия" ярим ҳимоячиси Пепелу фаолиятини бошқа испан клубида давом эттириши мумкин. Маrca портали хабарига кўра, ярим ҳимоячи хизматларига "Барселона" қизиқиш билдирмоқда.
"Блауграна" бош мураббийи Хави Эрнандес бу футболчини кейинги мавсумда ўз жамоасида кўришни истайди. Пепелунинг трансфер нархи 16 миллион еврога баҳоланмоқда. Унинг "кўршапалаклар" билан шартномаси 2028 йилнинг ёзига қадар мўлжалланган.
Испания чемпионатининг жорий мавсумида 25 ёшли ярим ҳимоячи 32 та ўйинда майдонга тушиб, бешта гол ва битта голли узатмага муаллифлик қилди.
