Испаниялик футболчи Дани Ольмо "Барселона"нинг яқинлашиб келаётган трансфер ойнасидаги мақсадларидан бири саналади. Унинг хариди каталонияликлар бошқарувида қолишга қарор қилган Хавининг шартларидан бири эди.
"Барселона" харидни бўлиб-бўлиб якунламоқчи эди. Бироқ, "Лейпциг" раҳбариятининг фикрича, 60 миллион товон пули ҳозирги нархларни ҳисобга олган ҳолда анча фойдали.
Ольмога Европанинг бошқа клублари, жумладан, "Манчестер Сити" ва "ПСЖ" клублари қизиқиш билдирмоқда.
Испаниялик футболчи жорий мавсум Бундеслигада 19 та ўйинда майдонга тушиб, 4 та гол урди ва 5 та голли узатмани амалга оширди.
