"Астон Вилла" бош мураббийи Унаи Эмери клуб мавсум якунида Чемпионлар лигасига йўлланма олишни мақсад қилгани ҳақидаги фикри билан ўртоқлашди.

"Албатта, биз бешинчи ўринда бўлганимизда хурсанд бўлгандик, ҳозир эса тўртинчи ўринда турибмиз ва Чемпионлар лигасига чиқиш учун курашяпмиз. Лекин биз "Тоттенхэм" каби жамоаларга қарши курашишимиз керак, аммо кайфиятимиз жуда яхши. Мен қилган ишимиздан жуда фахрланаман, лекин, албатта, мақсад Чемпионлар лигасига йўл олишдир", - деди Эмери ВВС билан суҳбатда.

Эслатиб ўтамиз, испаниялик мутахассис аввалроқ клуб билан шартномасини 2027 йилнинг ўрталарига қадар узайтирганди. Аввалроқ Эмери "Астон Вилла"ни тарк этиб, "Бавария"га ишга кетиши мумкинлиги ҳақида хабарлар тарқалган эди.