"Реал Мадрид" марказий ҳимоячиси Эдер Милитао узоқ вақтдан сўнг яна асосий таркибда майдонга тушди.
Бразилиялик футболчи мавсум бошида хоч боғлами йиртилгани сабабли сафдан чиққан эди. Жума куни 26 ёшли футболчи "Лос-Бланкос" сафида "Реал Сосьедад"га (1:0) қарши Ла Лига ўйинида майдонга тушди.
“Саккиз ой ичида биринчи марта асосий таркибда ўйинни бошлаганимдан жуда хурсандман. Бутун жамоамиз ҳимояда яхши ўйнаш учун астойдил ҳаракат қилди. Биз жуда мотивацияга тўламиз ва ғалаба қозонишни давом эттирмоқчимиз. Ҳозир биз "Бавария" билан ўйинга тайёргарлик кўришимиз керак", - дея Милитаонинг сўзларини келтиради Madrid Xtra.
30 апрель куни "Реал Мадрид" Чемпионлар лигасининг биринчи ярим финалида "Бавария" билан ўйнайди.
