"Манчестер Юнайтед" бош мураббийи Эрик тен Хаг Англия Премьер-лигасидаги рақобат даражаси ҳақида гапирди.
Нидерландиялик мураббийнинг фикрича, АПЛда жорий мавсумда чемпионлик учун курашаётган “Манчестер Сити”, “Арсенал” ва “Ливерпуль”дан ташқари кучли жамоалар етарли.
“Бу шунчаки икки-уч клубнинг чемпионлик пойгаси эмас. “Астон Вилла”, “Тоттенхэм” ва “Ньюкасл” каби кучли жамоалар бор. Жуда кўп яхши жамоалар бор ва уларнинг барчаси кураша олади. Биз ўша жамоаларданмиз, аммо ҳозирча биринчи ёки иккинчи ўрин учун курашадиган ҳолатда эмасмиз. Бу факт”, - деди Тен Хаг шанба куни “Бёрнли”га қарши ўйин олдидан.
