Дортмунднинг "Боруссия" клубидан ижарага олинган вингер Жейдон Санчо "Манчестер Юнайтед"га қайтиши мумкин. "Қизил иблислар" бош мураббийи Эрик тен Хаг мавсум якунланганидан кейин истеъфога чиқарилиши кутиляпти.
Инглиз футболчиси қайтишга тайёр ва кейинги мавсум бошида ўзини "қизил иблислар" сафида кўрсатиш учун янги имкониятга эга бўлиши мумкин.
24 ёшли футболчи якуний қарор қабул қилишдан олдин "Манчестер Юнайтед"нинг янги бош мураббийи билан ўз вазифасини муҳокама қилмоқчи. Санчо ижара даврида "Боруссия Дортмунд" сафида 15 та ўйин ўтказиб, 2 та гол ва 2 та голли узатмага муаллифлик қилган.
