“Порту” ҳужумчиси Меҳди Тареми фаолиятини “Интер”да давом эттиради. Эронлик футболчи ва А Серия клуби ўртасида деярли эришилган келишув ҳақида хабарлар қишда пайдо бўлди.

Инсайдер Фабрицио Романонинг сўзларига кўра, келишув ниҳоят ёпилди. Тареми “нерадзурри” билан 2026 йилгача шартнома имзолади ва шартномада яна бир йилга автоматик равишда узайтириш варианти ҳам кўзда тутилган.

"Порту" 31 ёшли футболчининг "Интер"га эркин агент сифатида ўтишга қарор қилгани ҳақида аллақачон маълум қилинган. Меҳди Тареми ушбу мавсумда “аждарлар” сафида 30 та ўйинда майдонга тушиб, 8 та гол ва 5 та голли узатмага муаллифлик қилган.