“Portu” hujumchisi Mehdi Taremi faoliyatini “Inter”da davom ettiradi. Eronlik futbolchi va A Seriya klubi o‘rtasida deyarli erishilgan kelishuv haqida xabarlar qishda paydo bo‘ldi.
Insayder Fabrisio Romanoning so‘zlariga ko‘ra, kelishuv nihoyat yopildi. Taremi “neradzurri” bilan 2026 yilgacha shartnoma imzoladi va shartnomada yana bir yilga avtomatik ravishda uzaytirish varianti ham ko‘zda tutilgan.
"Portu" 31 yoshli futbolchining "Inter"ga erkin agent sifatida o‘tishga qaror qilgani haqida allaqachon ma’lum qilingan. Mehdi Taremi ushbu mavsumda “ajdarlar” safida 30 ta o‘yinda maydonga tushib, 8 ta gol va 5 ta golli uzatmaga mualliflik qilgan.
