"Милан" Хулен Лопетегини бош мураббий этиб тайинламаслиги мумкин.
Олдинроқ клуб испанияликни тайинламоқчилиги ва унинг номзодини раҳбариятдаги барча қўллаб-қувватлагани ҳақида хабар берилганди.
Бироқ, бу янгилик мухлисларнинг ўта салбий муносабатига сабаб бўлди. Нопетеги хештеги ижтимоий тармоқларда машҳурликка эришди ва баъзи мухлислар ҳатто Лопетегини тайинланмасликни сўраб петициялар ҳам яратдилар.
Бундай муносабат фонида "Милан" Лопетегини тайинлаш борасидаги фикрини ўзгартириши мумкин, чунки инсайдер Жанлука Ди Марсио таъкидлаганидек, клуб мухлислар фикрига қулоқ солади.
"Милан" бош мураббийлигига номзодлар орасида "Лилл"дан Пауло Фонсека ҳам бор. "Брайтон"дан Роберто Де Зерби ҳам эҳтимолий номзод сифатида кўрсатилган, бироқ ҳозирча у билан боғланмаган.
