Англия Премьер-лигасининг 35-турининг сўнгги ўйинида (5:1) "Шеффилд Юнайтед" билан ўйинда дубл қайд этган "Ньюкасл" ҳужумчиси Александр Исак жорий мавсумда 19 та гол уриб, Премьер-лига тарихидаги энг яхши швед тўпурарига айланди.
Шу тариқа, Исак "Манчестер Юнайтед"нинг собиқ ҳужумчиси Златан Ибраҳимовичнинг ютуғидан ўзиб кетди. У Премьер-лигада бир мавсумда максимал 17 та гол урган эди.
24 ёшли футболчи ўтган ёзда "Реал Сосьедад"дан "Ньюкасл"га кўчиб ўтганди. Бу даврда у барча турнирларда 36 та учрашувда қатнашиб, 23 та гол ва битта голли узатмани амалга оширган.
