"Байер" бош директори Фернандо Карро клуб ҳимоячиси Жонатан Танинг бошқа жамоага ўтиши мумкинлиги ҳақидаги маълумотга изоҳ берди.
"Биз Та билан шартномани узайтириш ниятидамиз. Клубимиз ўз футболчиларини текинга қўйиб юбормайди: биз уларнинг шартномасини узайтирамиз ёки сотамиз.
Биз Жонатан билан суҳбатлашдик, биз буни жуда қадрлаймиз. У клуб ва барчамиз уни жамоада олиб қолишни исташимизни тушунади. Лекин биз ҳам унинг ўз танловини ҳурмат қилишдан бошқа иложимиз йўқ. Кўрамиз, у биз билан қоладими ёки кетадими. Унинг қолишига умид бор", - деди Фернандо Карро Sky Deutschland билан суҳбатда.
