"Барселона" ярим ҳимоячиси Фермин Лопес жорий мавсумда эришган муваффақиятига ишонмаяпти. Испаниялик футболчи ўтган йилнинг август ойида Ла Лигада "Блауграна" асосий жамоасида дебют қилган, ўшанда у ўзининг 20 ёшини нишонлаганди.

Ҳозирда ярим ҳимоячи Хави Эрнандес жамоаси сафида барча турнирларда 37 та ўйинда 8 та гол урган.

“Асосий жамоа учун саккизта гол уришим мумкинлигини тасаввур қилиш қийин эди. Бу ерга келиш учун кўп меҳнат қилдим. Мураббийдан ишончи учун жуда миннатдорман. Умид қиламанки, худди шу руҳда давом эта оламан. Ўтган ҳафталар биз учун оғир кечди, бир қанча хатоларга йўл қўйдик, аммо бугун бахтимизга ғалаба қозона олдик", - деди Фермин.