"Барселона" бош мураббийи Хави Эрнандес марказий ҳимоячи Рональд Араухони қўллаб-қувватлади. Уругвайлик футболчи Ла Лиганинг “Валенсия”га қарши ўйинда ўз жарима майдончасида қоида бузди. Меҳмонлар пеналтини голга айлантириб, олдинга чиқиб олишди.
“Араухо хато қилди, лекин у турли вазиятларда бизга кўп ёрдам берди. У кўплаб футболчиларимиз каби ҳали ёш ва ўрганишда давом этмоқда. Баъзи нарсаларни яхшироқ назорат қилиши керак, лекин у бизни аввал ҳам кўп марта қутқарган", - дея Хавининг сўзларини келтиради Barca Universal.
