Ёзда "Барселона" ўз таркибини қайта тиклашни режалаштирмоқда.
Клубнинг молиявий аҳволи ҳали ҳам оптимал даражада эмас ва "кўк-анорранглилар" айрим трансферларни амалга оширишга мажбур бўлиши мумкин.
The Athletic хабарига кўра, "Барселона" сотиши мумкин бўлган футболчилар орасида ҳужумчи Роберт Левандовски ҳам бор.
Бир кун аввал польшалик келаси мавсумда жамоада қолиш нияти борлигини маълум қилганди, аммо манбага кўра, "кўк-анорранглилар"нинг айрим юқори мартабали раҳбарлари Левандовскини трансферга қўйиш тарафдори бўлиб турибди.
Яъни, 35 ёшли форвард қолиш истагига қарамай, сотиб юборилиши мумкин.
