"Реал" ҳужумчиси Винисиус Жуниор "Бавария"га қарши (2:2) Европа Чемпионлар лигасининг биринчи ярим финал учрашувида Тони Крооснинг голли узатмасига изоҳ берди.
“Кроос ҳар доим ишларни осонлаштиради. У менга голли вазият яратиб берди, жамоа савиясидан мамнунман. Яхшилашимиз керак, лекин шундай давом этсак, муваффақиятга эришамиз.
Крооснинг паси? Биз бирга кўп машқ қиламиз. Мен Тонини яхши биламан ва у мени билади. Иккита гол урганимдан хурсандман.
"Реал"ни ўз жойига - финалга олиб чиқиш вақти келди", - деди Винисиус.
