Мюнхеннинг “Бавария” клуби дарвозабони Мануэль Нойер УEФА Чемпионлар лигаси ярим финал босқичида кечаги “Реал”га қарши ўйин ҳақида гапирди.
“Мухлислар бизни қўллаб-қувватлашди. Бу бироз “Челси”га қарши финални эслатди. Биз ғалаба қозонишни хоҳлагандик, ўйлайманки, биз бунга лойиқ эдик. Ҳаммаси “Сантьяго Бернабеу”да ҳал бўлади. Бизнинг келажагимиз ўзимизга боғлиқ. Финалга чиқишни ва "Уэмбли"да ўйнашни истаймиз", - дея дарвозабоннинг сўзларидан иқтибос келтиради мюнхенликлар матбуот хизмати.
"Бавария"нинг "Реал"га қарши жавоб ўйини 8 май куни Мадридда бўлиб ўтади.
