AS хабарига кўра, словениялик дарвозабон алмаштириб бўлмайдиган футболчи мақомини йўқотган ва Мадрид клуби унинг трансфери бўйича таклифларни тинглашга тайёр.

"Атлетико" ёзда ўз таркибини янгиламоқчи ва энг кўп маош олувчи футболчилар билан хайрлашмоқчи. Облакнинг маоши клубдаги энг юқори маошлардан бири бўлиб, дарвозабон ҳар мавсумда 10 миллион евро олади.

Мадридликлар уни сотишга тайёрлигини футболчининг ўзи ҳам билади. У ҳозирги жамоасини тарк этишга мажбур бўлса, ўзини Премьер-лигада синаб кўрмоқчи.

Қайд этилишича, "Атлетико" Грузия терма жамоаси дарвозабони Гиорги Мамардашвилига қизиқиш билдирмоқда. "Валенсия" 23 ёшли футболчи учун 25 миллион эвро сўрайди.

Облак 2014/15 йилги мавсумдан бери Мадрид клубида ўйнаб келмоқда. Жорий Ла Лигада у 33 та ўйин ўтказиб, 39 та гол ўтказиб юборган.