AS xabariga ko‘ra, sloveniyalik darvozabon almashtirib bo‘lmaydigan futbolchi maqomini yo‘qotgan va Madrid klubi uning transferi bo‘yicha takliflarni tinglashga tayyor.
"Atletiko" yozda o‘z tarkibini yangilamoqchi va eng ko‘p maosh oluvchi futbolchilar bilan xayrlashmoqchi. Oblakning maoshi klubdagi eng yuqori maoshlardan biri bo‘lib, darvozabon har mavsumda 10 million yevro oladi.
Madridliklar uni sotishga tayyorligini futbolchining o‘zi ham biladi. U hozirgi jamoasini tark etishga majbur bo‘lsa, o‘zini Premyer-ligada sinab ko‘rmoqchi.
Qayd etilishicha, "Atletiko" Gruziya terma jamoasi darvozaboni Giorgi Mamardashviliga qiziqish bildirmoqda. "Valensiya" 23 yoshli futbolchi uchun 25 million evro so‘raydi.
Oblak 2014/15 yilgi mavsumdan beri Madrid klubida o‘ynab kelmoqda. Joriy La Ligada u 33 ta o‘yin o‘tkazib, 39 ta gol o‘tkazib yuborgan.
