Йенс Леман 2003/2004 йилги мавсумда мағлубиятсиз Англия чемпионлигини қўлга киритган енгилмас "Арсенал" жамоасининг бир қисми эди. Немис футболчиси ҳозирги "канонирлар" жамоаси ҳақида фикр билдирди.
“Улар ўз ёндашувларида биздан фарқ қилади. Тўп билан анча эҳтиёткор ва секинроқ. Жисмоний жиҳатдан улар кўпроқ югуришади ва кучлироқ ҳужумларга эга, лекин биздан тезроқ ўйнашмайди.
Агар сиз футболда жуда эҳтиёткор бўлсангиз, соврин ютолмайсиз. Кўп ҳолларда жасур жамоалар совринларни қўлга киритадилар. "Арсенал" чемпион бўлишини истардим, аммо уларнинг ёндашуви баъзи ўйинларда қимматга тушди", деди Леман.
