Мюнхеннинг “Бавария” клуби дарвозабони Мануэль Нойер марказий ҳимоячи Ким Мин Чженинг Чемпионлар лигаси ярим финалида “Реал” билан биринчи ўйиндаги ўйинига изоҳ берди.
“Қаймоқранглилар”нинг биринчи голи киритилган эпизодда кореялик футболчи ўз зонасини тарк этиб, Винисиус Жуниорга ҳисобни очишга имкон берган эди. Иккинчи бўлимда Ким Мин Чже Родригога нисбатан қўполлик ишлатди, бунинг эвазига "Реал" пенальти тепди.
“Биз бу ҳақда кийим алмаштириш хонасида гаплашдик. Хатолар бўлади, бу футболнинг бир қисми. Бу Ким Мин Чже бўлажак ўйинларда ёмон ўйнайди дегани эмас. “Реал”га қарши ҳам ёмон ўйнади демаган бўлардим. Баъзида Ким жуда яхши кўринарди. Балки баъзи ҳал қилувчи дақиқаларда у энг яхши қарорларни қабул қилмагандир", - деди Нойер.
