"Локомотив"нинг собиқ президенти Николай Наумов Москва клубининг собиқ ходими Ралф Рангникнинг "Бавария" бош мураббийи лавозимига тайинланиши мумкинлиги ҳақидаги хабарга изоҳ берди.
Аввалроқ, Австрия терма жамоасида фаолият олиб бораётган Рангник мюнхенликлар жамоасини бошқаришга рози бўлгани хабар қилинганди.
Наумовнинг сўзларига кўра, Рангник Германияда ўзини яхши кўрсатган, бироқ унинг ўзи германиялик мутахассисни бундай жамоага бош мураббий этиб тайинламаган бўларди.
"Рангник "Локомотив"да худди Англиядаги каби муваффақиятга эриша олмади. Мен, албатта, уни бундай клубга бош мураббий этиб тайинламайман, чунки у мураббий эмас, авантюрист", — дея Наумовдан иқтибос келтиради "РБ Спорт".
