Таниқли инсайдер Фабрицио Романо Анхель ди Мариянинг АҚШга кўчиб ўтиши ҳақидаги маълумот билан бўлишди.
Пайшанба кунги хабарларга кўра, аргентиналик футболчи узоқ йиллик терма жамоадоши Лионель Месси тўп тепадиган "Интер Майами" билан музокаралар олиб бормоқда. Романо ўз ҳисоботида аниқлик киритганидек, Америка клуби фақатгина Ди Мариянинг "Бенфика"даги аҳволи ҳақида маълумот сўраган;
36 ёшли вингернинг келажаги ноаниқлигича қолмоқда ва у тез орада "Бенфика"даги келажаги борасида бир қарорга келиши керак. Эслатиб ўтамиз, жаҳон чемпионининг Лиссабон жамоаси билан шартномаси июнь ойида якунига етади, бироқ уни бир йилга узайтириш имконияти кўзда тутилган.
