Дортмундликлар 2023/2024 йилги мавсум якунида Марко Ройс жамоани тарк этишини элон қилди. Тажрибали футболчи бу борада фикр билдирди.
"Мен Дортмунддаги ушбу ажойиб вақтдан жуда миннатдорман ва фахрланаман. Умримнинг ярмидан кўпини шу клубда ўтказдим ва ҳар кунимдан завқ олдим. Мавсум охирида хайрлашиш мен учун қийин бўлишини аллақачон биламан. Шундай бўлса-да, ҳозир аниқлик борлигидан хурсандман ва биз мавсум охиридаги муҳим ўйинларга эътибор қаратишимиз мумкин.
Бизнинг барчамиз биргаликда эришмоқчи бўлган катта мақсадимиз бор. Бунинг учун бизга ҳар бир ақл бовар қилмайдиган мухлисларимиз керак бўлади, мен уларга йиллар давомида қўллаб-қувватлаганликлари учун самимий миннатдорчилигимни билдирмоқчиман", - дея Ройснинг сўзларини келтиради клуб сайти.
