"Валенсия"нинг собиқ бош мураббийи Гари Невилл "Барселона"нинг собиқ устози Луис Энрике унга нисбатан ҳурматсизлик кўрсатганини эслади.
"Улар 5:0 ҳисобида ғалаба қозонаётган бўлса ҳам, у Неймар, Месси ёки Суаресни алмаштирмади. Финал ҳуштаги янграганидан кейин Энрике ёнимдан шунчаки ўтиб кетди ва қўлимни сиқиб қўймади, у менга бу ерга тегишли эмаслигим ҳақида хабар юбораётгандек ҳис қилдим”, — деди Невилл Sky Sports Stick To Football подкастига.
Эслатиб ўтамиз, бу 2016 йилнинг 3 февралида каталонияликлар Испания кубогида “кўршапалаклар”ни 7:0 ҳисобида мағлубиятга учратганида содир бўлганди.
