"Интер Майами" бош директори Хавьер Асенси Лионель Мессининг трансфери клуб даромадига қандай таъсир қилганини тушунтириб берди.
"Лео сизни кейинги босқичга олиб чиқади. Бироқ, ҳамкорларга бўлган сўровлар даражаси ҳам ўсиб бормоқда. Биз ўз позициямиздан жуда мамнунмиз, жамоа ва қилинган ишлардан фахрланамиз. Фақат ривожланиш қолади.
Мессининг келиши билан биз бюджети 60 миллионлик жамоадан 125 ёки 130 миллионга ўтдик. Бу йил айланмамиз 200 миллион ёки ундан кўпроқ бўлишини кутяпман. Вақтинчалик стадионни ҳисобга оладиган бўлсак, бу жуда катта миқдор", - деди Асенси EFE билан суҳбатда.
Месси 2023 йилнинг июлида эркин агент сифатида "ПСЖ"дан "Интер Майами"га ўтган эди. Футболчининг клуб билан шартномаси 2025 йилнинг декабригача мўлжалланган. Transfermarkt аргентиналик футболчини 30 миллион еврога баҳоламоқда.
Жорий мавсумда Месси 10 та ўйин ўтказиб, 11 та гол урди ва 6 та голли узатмани амалга оширди.
11 турдан кейин "Интер Майами" 21 очко билан биринчи ўринда бормоқда. Иккинчи ўринда "Реал Солт-Лейк" (18 очко) жойлашган.
