"ПСЖ"нинг собиқ бош мураббийи Кристоф Галтье ҳужумчилар Лионель Месси, Неймар ва Килиан Мбаппе билан ишлаш ҳақида гапирди. Париж клубида уч футболчи бир вақтнинг ўзида тўп тепган.
"Учаласи ҳам ажойиб шерик бўлиши ва бирга ўйнаши керак эди. Менимча, биз Францияда бошқа ҳеч қачон бундай триони кўрмаймиз. Улар ўйин ва молиявий нуқтаи назардан жуда муваффақиятли бўлишди", - дея Галтье сўзларини келтирмоқда RMC Sport.
Галтье 2022 йилдан 2023 йилгача "ПСЖ"ни бошқарган. Айни дамда жамоадаги уч футболчидан фақат Мбаппе қолган. Неймар "Ал-Ҳилол"га кетди, Месси "Интер Майами"да ўйнайди.
