29 апрелдан 4 майга қадар “Бунёдкор” академияси майдонларида Тошкент шаҳри ва Тошкент вилоятида жойлашган 70 дан ортиқ олий таълим муассасалари талабалари ўртасида “Students Cup” футбол мусобақаси бўлиб ўтди.

1000 нафарга яқин ёшларни бирлаштирган ушбу мусобақа бир ҳафта давом этди. Шиддатли ўтган саралаш баҳсларидан сўнг, кеча, 4 май куни ярим финал ва финал баҳслари ўтказилди.

Унга кўра:

1-ўринни Тошкент давлат техника университетининг “Техника” жамоаси;

2-ўринни Ички ишлар академиясининг “ИИВ академия” жамоаси;

3-ўринни Ўзбекистон давлат санъат ва маданият институтининг “Санъат” жамоаси эгаллади.